የማዕከላዊ ስታቲስቲክስ ኤጀንሲ በየወሩ የሚያወጣው የዋጋ ግሽበት ሁኔታ መረጃ በጥቅምት 2012 ዓ.ም የተመዘገበው አጠቃላይ ዋጋ ግሽበት ካለፈው ዓመት ጥቅምት 2011 ዓ.ም ተመሳሳይ ወር ጋር ሲነፃፀር 18.6 በመቶ ከፍ ብሏል። የዋጋ ግሽበት ሁኔታ ካለፈው ዓመት ተመሳሳይ ወር ጋር በማነፃፀር የሚገኘው ውጤት ወቅታዊ ዋጋ ግሽበትን የሚያሳይ ሲሆን ከዚህም ውስጥ የምግብ ዋጋ ግሽበት የጥቅምት 2012 ዓ.ም ካለፈው ዓመት ተመሳሳይ ወር ጋር ሲነፃፀር በ23.2 በመቶ ጭማሪ አሳይቷል። ዋና ዋና የእህል አይነቶች ( በተለይ ጤፍ፣ ገብስ፣ ማሽላ፣ በቆሎና የስንዴ ዱቄት) እና የበሬ ስጋ የተጋነነ ባይሆንም በያዝነውም ወር የዋጋ ጭማሪው እንደቀጠለ ነው። ይሁን እንጂ አንዳንድ የምግብ ዓይነቶች በተለይም ቲማቲም፣ቀይ ሽንኩርት፣ ነጭ ሽንኩርት፣ ድንች፣ ጎመን፣ ካሮት፣ ምስር፣ ቅቤ፣ የምግብ ዘይት እና ወተት አይብና ዕንቁላል መጠነኛ ቅናሽ አሳይተዋል፡፡

በሌላ በኩል ምግብ ነክ ያልሆኑ የኢንዴክሱ ክፍሎች የዋጋ ግሽበት የጥቅምት ወር 2012 ዓ.ም ካለፈው ዓመት ጥቅምት ወር 2011 ዓ.ም ጋር ሲነፃፀር 13.4 በመቶ ጭማሪ አሳይቷል። ካለፉት ጥቂት ወራት ጀምሮ ምግብ ነክ ያልሆኑ የኢንዴክሱ ክፍሎች ዋጋ ግሽበት በተከታታይ ጭማሪ እያሳየ ነው። ምግብ ነክ ያልሆኑ የኢንዴክሱ ክፍሎች የዋጋ ግሽበት ካለፈው ተመሳሳይ ወቅት ጋር ሲነፃፀር ከፍ እንዲል ካደረጉት ዋና ዋና ምክንያቶች ውስጥ በተለይ ልብስና መጫሚያ፣ የቤት ኪራይ፣ የቤት እንክብካቤና ኢነርጅ (ማገዶና ከሰል)፣ የቤት ዕቃዎችና የቤት ማስጌጫዎች፣ የቤት መስሪያ እቃዎች፣ ህክምና እና ትራንስፖርት (በተለይ የቤት መኪና) ላይ የታየው የዋጋ ጭማሪ ነው፡፡

አጠቃላይ የጥቅምት ወር 2ዐ12 ዓ.ም የዋጋ ግሽበት ካለፈው ወር ጋር ሲነፃፀር በ0.2 ከመቶ ቅናሽ አሳይቷል፡፡ 

የዘንድሮውና ከአምናው ተመሳሳይ ወራት የሸማቾች ዋጋ ኢንዴክስ ለውጥ ንጽጽር በአገር አቀፍ ደረጃ